Нас барсан иргэний 1072 хувьцааг өвлүүлж, өмнөх жилүүдийн ногдол ашгийг нөхөн олгож эхэлнэ

Засгийн газрын "Чөлөөлье" санаачилгын хүрээнд Эрдэнэс Тавантолгой ХК дахь иргэдийн эзэмшиж байсан 1072 хувьцаа болон ногдол ашгийн өвлөгдөх эрхийг нээлээ.

Уг шийдвэрийн дагуу компанийн 110.9 ширхэг хувьцаа өвлөгдөж, түүнд ногдох нийт 73 тэрбум төгрөг буюу нэг өвлөгчид дунджаар 552.2 мянган төгрөгийн ногдол ашиг олгогдоно. Энэхүү ажил зургадугаар сарын 1-ий өдрөөс хэрэгжих аж.

Иргэдийн хувьд нас барсан гэр бүлийн гишүүний нэр дээр 1072 хувьцаа бүртгэлтэй эсэх, өвлөн авах боломжтой хувьцааны тоо хэмжээ, түүнд ногдох ногдол ашгийн мэдээллийг Үнэт цаасны төвлөрсөн хадгаламжийн төв, Монголын Нотариатчдын танхим, “Эрдэнэс Тавантолгой” ХК болон холбогдох брокерын компаниудаас тодруулах боломжтой. Түүнчлэн иргэний хуулийн дагуу өв хүлээн авахад шаардлагатай баримт бичиг, бүрдүүлэх материал, шат дарааллын талаарх мэдээллийг авна. Мөн үнэт цаасны дансгүй тохиолдолд данс нээлгэх шаардлагатай.

Иргэд “Эрдэнэс Тавантолгой” ХК-ийн хувьцаа болон ногдол ашгийг өвлөн авах үйл явцыг “ХУР” цахим системээр дамжуулан авна. Юуны түрүүнд хувьцаагаа өвлөн авах иргэд гэр бүл дундаасаа хэн нь өвлөн авахаа албан ёсоор тогтож, нотариатаар баталгаажуулснаар өөрийн үнэт цаасны дансанд хуримтлагдсан өмнөх жилүүдийн ногдол ашгаа саадгүй авах бөгөөд цаашид ч уг хувьцааг эзэмших эрхтэй болох аж.Иймээс эхний ээлжид шаардлагатай бичиг баримтаа бүрэн бүрдүүлж, харьяалагдах байгууллагадаа цаг тухайд нь хандахыг холбогдох газраас сануулж байна.

Хувьцаа болон ногдол ашгийн өвлөх эрхийн бүртгэлийг баталгаажуулах алхмууд:

Нэгд, хуульд заасан хугацаанд өв нээгдэж, өвлөгч тодорхой болгох

Хоёрт, өв залгамжлал нээх

Гуравт, өв залгамжлах эрхийн гэрчилгээ авах

Дөрөвт, хувьцаа эзэмшигчийн бүртгэл шинэчлэх

Тавд, иргэд хувьцаа, ногдол ашиг өвлөж авна.