ХОТ ТОХИЖИЛТ ҮХСЭН НОХОЙ БОРДОО БОЛДОГ & АМЬТНЫ ЦОГЦОС БОРДОО БИШ

Дархан-Уул аймагт суулгац тарих нүхэнд устгасан нохой хийсэн дүрс бичлэг энэ сарын 19-ний өдөр цахим орчинд цацагдаж, олон нийтийн зүгээс шүүмжлээд байгаа билээ.

.

 

Харин үүнийг  тус аймгийн Тохижилт үйлчилгээний төвийн ажилтнаас тодруулахад "Аймагт жилд дөрвөн удаа нохой устгал зохион байгуулдаг. Энэ хавраас эхэлсэн уг ажил одоо ч үргэлжилж байгаа. Өмнө нь Хот тохижилтын газраас устгалд оруулсан нохой, муурыг хогийн цэгт нэгдсэн байдлаар булж, устгалд оруулдаг байсан. Харин энэ удаагийн устгал мод тарих ажилтай давхацсан тул олон талын эх сурвалжийн мэдээлэлд үндэслэн, устгасан 10 нохойг хөрсөнд бордоо болгон ашиглах зорилгоор 10 ширхэг модны нүхэнд булсан. Мод нь малын мах, сэг зэмээр тэжээгдэн ургах чадвартай, мөнх ногоон ургамал тул ийнхүү туршиж үзэхээр болсон юм. Одоогоор энэхүү аргыг цаашид хэрэгжүүлэх эсэх талаар нэгдсэн шийдвэр гаргаагүй, туршилтын явцад эдгээр 10 модыг тэмдэгжүүлж ургацыг ажиглана" гэлээ.

Тэгвэл Алтанмед эмнэлгийн зүгээс "Амьтны цогцос нь задралын эхний үе шатандаа шууд бордоо болгон ашиглахад тохиромжгүй байдаг. Цогцос задрах үед ялгарах шингэн, маш өндөр тунтай азотын хордлого болон ялааны авгалдайн ялгаруулдаг антибиотик зэргээс шалтгаалан эхний 1-2 жилдээ тухайн хэсгийн ургамал, модны үндэс шууд гэмтэх, эсвэл үхдэг байна" хэмээн мэдэгдлээ. 

Өөрөөр хэлбэл, АМЬТНЫ ЦОГЦОС БОРДОО БИШ гэсэн үг юм.