Галд өртсөн Б.Амин-Эрдэнэ охиныг нисдэг тэргээр ГССҮТ-д авчирлаа, хандивын аянаа зогсоож буйгаа ар гэр нь мэдэгдлээ

Б.Амин-Эрдэнэ 11 настай 6 дугаар  ангийн сурагч 2025.12.02-нд Хэрлэн сумын нэгдүгээр багийн иргэн Ч.Баттулгын гэрт ахуйн гал түймэр гарч, хүү 17 настай Б.Сүхбат нь дүү 11 настай Б.Амин-Эрдэнийг аварч цонхоор гарган, өөрөө амиа алдсан харамсалтай үйл явдал болсон. Охин Б.Амин-Эрдэнэ нь бүтэн биеийн 90 хувийн түлэгдэлтэй  Хэнтий аймгийн нэгдсэн эмнэлгийн сэхээний тасагт эмчилгээ хийлгэж байгаад өнөөдөр (2025.12.04) Улаанбаатар хотод  ГССҮТөвд нисдэг тэргээр хүргэгдэн ирлээ. Охины эмчилгээнд хандивын аянг 24 цагийн хугацаатай эхлүүлээд байсан бол түүний ар гэр одоогийн байдлаар энэхүү тусламжийн хандивыг зогсоож буйгаа мэдэгдлээ. Учир нь эмчилгээний зардлын тооцоо гарч хүрэлцэх хэмжээний мөнгөн тусламж бүрдсэн гэж үзсэн байна

Сэрэмжлүүлэг: 11 настай хүүхэд балны таг залгисан байсныг уушгины дурангаар авчээ

11 настай хүүхэд балны таг залгисан байсныг уушгины дурангаар гадагшлуулах ажилбарыг амжилттай хийж гаргаж авчээ. Өмнөговь аймаг дахь Х.Шаравын нэрэмжит БОЭТ-ийн дурангийн эмч Б.Баясгалангаар ахлуулсан баг 2025 оны 11 сарын 20-ны өдөр 11 настай хүүхэд үзгэн балны таг залгисны улмаас баруун уушгины гуурсан хоолойд тээглэсэн байхыг уушгины дурангаар гадагшлуулах ажилбарыг амжилттай хийжээ. Хүүхдүүд санамсар болгоомжгүй байдлаас болж гадны биет залгих нь элбэг тохиолддог ба ихэвчлэн ходоод руу ордог байна

ДОХ: Одоогоос 33 жилийн өмнө анхны тохиолдол бүртгэгдэж, 2025 онд таван хүн хорвоог орхижээ

Өнөөдөр ХДХВ/ДОХ-той тэмцэх дэлхийн өдөр. Энэ өдрийг “Асуудлыг шийдье, хариу арга хэмжээг сайжруулъя” уриан дор тэмдэглэж байна

Эмч, ажилчдын илүү цагийн хөлс, урвалж оношлуурын зардалд нэг тэрбум 400 сая төгрөг гаргахаар шийдвэрлэлээ

Томуу, томуу төст өвчин, амьсгалын замын халдварт өвчний тархалтыг хязгаарлаж, эрсдэл хүндрэлээссэргийлэх, урьдчилан сэргийлэх ажлыг нийслэлийн хэмжээнд зохион байгуулж, эрүүл мэндийн байгууллагуудын эмч, ажилчдын уртасгасан цагаар ажиллах илүү цагийн хөлс, урвалж оношлуурын зардалд нэг тэрбум 400 сая төгрөгийг Засгийн газрын нөөц сангийн хөрөнгөөс гаргахаар тогтлоо. Томуу, томуу төст өвчнөөс урдчилан сэргийлэх, өвчний тархалт нэмэгдэхээс сэргийлэх арга хэмжээ авч, эрүүл мэндийн байгууллагуудыг уртасгасан цагаар ажиллуулах арга хэмжээг зохион байгуулж, шаардлагатай урвалж оношлуураар хангаж ажиллахыг Эрүүл мэндийн сайд Ж.Чинбүрэнд даалгалаа. Монгол Улсын хэмжээнд тархвар судлалын 47 дугаар долоо хоногт томуу, томуу төст өвчний тархалт “Улсын хэмжээний дэгдэлт”-ийн түвшинд хүрч 10,000 хүн амд 96.7 байна. Томуу, томуу төст өвчнөөр өвчлөгсдийн 82.6 хувийг 15 хүртэлх насны хүүхэд, амьсгалын замын цочмог хүнд халдварын улмаас эмнэлэгт хэвтэн эмчлүүлж буй хүүхдийн 63.2 хувийг 0-5 насны хүүхэд эзэлж байна. Сүүлийн долоо хоногт А(H3N2) вирус дэгдэлт 32.5 хувиар нэмэгджээ. ХӨСҮТ-ийн вирус судлалын лабораторид томуугийн А(H3N2) вирусийн бүрэн геномийн дараалал тогтоох шинжилгээ хийхэд Англи болон Япон улсад тодорхойлогдож байгаа A(H3N2) subclade K дэд хэв шинжтэй ижил байна

Ханиад, томуу өвчний тархалт "дэгдэлт"-ийн түвшинд байна

Ханиад, томуу өвчний тархалт аймгийн хэмжээний дэгдэлтийн түвшинд 5, идэвхжлийн түвшинд 9, алаг цоог дэгдэлтийн түвшинд 7 аймаг байна. ТТӨ-өөр өвчлөгсдийн дотор 82.6 хувийг 15, 39.1 хувийг 5 хүртэлх насныхан эзэлж байна. АЗЦХХ-ын шалтгаант эмнэлэгт хэвтэгсдийн 85.8 хувийг 15, 63.2 хувийг 5 хүртэлх насныхан эзэлж байна. Орчилд буй вирус A(H3N2) – 98 (73.7%); АЗСВ – 16 (12.0%); Иж томуугийн вирус – 7 (5.3%); Риновирус – 6 (4.5%); Аденовирус – 3 (2.3%) Бокавирус – 2 (1.5%); Улирлын коронавирус – 1 (0.7%); Нийт 6,557 хүн хэвтэн эмчлүүлж байгаагаас 42,4% (2,779) нь, эмнэлэгт 2,823 хүүхэд хэвтэн эмчлүүлж байгаагаас 85.6% (2,416) нь амьсгалын замын цочмог хүнд халдварын шалтгаантай байна. Орон нутагт нийт 3,393 үйлчлүүлэгч хэвтэн эмчлүүлж байгаагаас 27.9% (n=947) нь ТТӨ-ий шалтгаантай байгаа ба 85.1% (n=806) нь хүүхэд, 14.9% (n=141) нь насанд хүрэгчид байна. Амьсгалын замын цочмог хүнд халдварын нөхцөл байдлын улмаас нэмэлтээр 379 ор дэлгээд байна. Нийслэлд нийт 3,164 үйлчлүүлэгч хэвтэн эмчлүүлж байгаагаас 57.9% (n=1,832) нь амьсгалын замын цочмог хүнд халдварын шалтгаантай

Эцэг эхчүүд хүүхдээ утаат тамхинаас гаргахын тулд электроныг хэрэглэхийг зөвшөөрч, бага ангийнхан хүртэл хэрэглэх болсон гэв

Эмч, багш нар, эцэг, эхчүүдийн төлөөлөл Тамхины хяналтын тухай хуулийн нэмэлт, өөрчлөлтийн төслийг УИХ-аар хэлэлцэж эхлэх болсонтой холбогдуулж хэвлэлийн бага хурал зохион байгууллаа.  Энэ үеэр сурагчдын дунд электрон тамхины хэрэглээ нэмэгдэж байгаатай холбоотой мэдээллийг нийслэлийн Ерөнхий боловсролын 39 дүгээр сургуулийн нийгмийн ажилтан М.Батхишиг "Ерөнхий боловсролын сургуулийн орчинд өсвөр үеийнхэн электрон тамхийг түлхүү хэрэглэж байна. Электрон тамхи гарахаас өмнө янжуур тамхийг татдаг байсан

"Суррон" унаж замын хөдөлгөөнд оролцсон 32 хүүхэд осолд өртжээ

Тээврийн прокурорын газраас 2025 оны 11 дүгээр сарын 01-ний байдлаар хүүхэд “Суррон” унаж зам тээврийн хөдөлгөөнд оролцсон ослыг судалж үзэхэд 48 ослын улмаас 32 хүүхэд эрүүл мэндээрээ хохирсон байна. Энэ нь өмнөх оны мөн үетэй харьцуулахад осолд өртсөн хүүхдийн тоо 12 хувиар өсжээ.  Ослын улмаас 21 хүүхдэд хөнгөн, 7 хүүхдэд хүндэвтэр, 4 хүүхдийн эрүүл мэндэд хүнд хохирол учирсан байна